Hoxe temos o pracer de anunciar a sinatura dun convenio de colaboración con Vermislab, un espazo referente na educación creativa e tecnolóxica con sede en Santiago de Compostela. Este acordo supón un paso máis na nosa misión de fortalecer o tecido profesional e industrial do sector, conectando ás nosas entidades asociadas con axentes clave da innovación e o coñecemento.

Que beneficios ofrece este convenio?

• Desconto do 10 % para socios en tódolos servizos de Vermislab para as entidades asociadas a Videoxogo.gal. Unha oportunidade ideal para acceder a formación, obradoiros ou actividades especializadas en deseño, tecnoloxía e creatividade.

• Organización conxunta de charlas, obradoiros e conferencias, aproveitando o espazo e os medios de Vermislab.

• Colaboración en eventos de referencia como a Maker Faire, onde poderemos estar presentes e participar activamente.

Como beneficiarse do desconto?

As entidades asociadas interesadas só teñen que contactar con Vermislab a través do correo admin@vermislab.com, indicando a súa condición de socias de Videoxogo.gal. O desconto aplicarase sobre o prezo ordinario vixente no momento da contratación.

Se tedes dúbidas ou queredes saber máis, podedes escribir coma sempre a info@videoxogo.gal.