Nesta nova etapa de Videoxogo.gal, queremos coñecer a opinión de tódalas persoas da industria galega dos videoxogos. Para nós, é fundamental contar cun panorama amplo e diverso das necesidades, retos e inquedanzas do sector. Polo tanto, convidámosvos a compartir as vosas opinións, tanto se formades parte da asociación como se participades do ámbito profesional do desenvolvemento de videoxogos e contidos interactivos en Galicia.

Precisamos coñecer de primeira man as dificultades que atopades no voso día a día profesional: dende os retos no desenvolvemento e no emprendemento até as dúbidas que podan xurdir á hora de publicar os vosos xogos ou produtos. Tamén queremos saber que aspectos vos gustaría mellorar ou recibir apoio por parte da asociación e das entidades públicas para fortalecer a vosa actividade.

Queremos un sector máis forte, estable e unido. Sen a vosa opinión, iso non será posible.

Bótasnos unha man?

Velaquí a ligazón á enquisa.