Chega o Indie Arena Booth 2023 e o prazo de inscrición estará aberto ata o 25 de abril.

A Gamescom terá lugar entre o 23 e o 27 de agosto.

Este evento é unha grande oportunidade para os estudios independentes, porque haberá moitos consumidores que poderán dar feedback e outras empresas coas que establecer contactos e facer negocio, ademais de contar cun gran xurado, profesional e especializado.

Games Made in Europe

Indie Arena Booth asociouse con Games Made in Europe, que é unha organización dedicada a apoiar a industria europea dos videoxogos, proporcionando conexións comerciais, formación e traballando na súa rede.

Este acontecemento combinará un evento de venda en Steam e unha trasmisión en directo de Twitch con influencers europeos. Ademais, ten como obxectivo proporcionar coñecemento empresarial e dar oportunidades para as empresas europeas de videoxogos.

Contarán cunha clase maxistral de dúas horas e un evento dixital en colaboración con MeetToMatch.

Dito evento terá lugar entre o 25 e o 28 de maio.