O noso presidente, Rubén Calles, estivo onte no IES San Clemente (Compostela), onde se celebrou a entrega de premios do concurso Arre-Demo!, no que se valoraron as demos presentadas polo alumnado dos Cursos de Especialización de Videoxogos e Realidade Virtual do IES San Clemente, IES Muralla Romana (Lugo) e CIFP A Carballeira (Ourense), e o alumnado do Ciclo Formativo de Desenvolvemento de Aplicacións Multiplataforma do IES San Clemente.

Ademais, desde Videoxogo.gal estamos en contacto co IES San Clemente para poder pechar un acordo como socio colaborador para así traballar conxuntamente polo ben das próximas xeracións de desenvolvedores de videoxogos en Galicia. Agradecemos ao centro polo seu apoio e compromiso de cara a visibilidade do futuro da industria do videoxogo na nosa comunidade.

Parabéns polos proxectos presentados e a seguir traballando duro!